Apatu??.....ehem ehem macam galak saja bunyinya, soal hati kah?. Itulah fitrah kejadian manusia, manusia memang memerlukan cinta untuk meneruskan hari hari mendatang. Tanpa cinta, kosonglah jiwa. Cinta kepada ilahi, cinta kepada anak anak, cinta kepada ibubapa, cinta kepada adik adik, cinta kepada agama dan negara. Cinta kepada sesama manusia??...hehehe adakah?. Kita tidak dapat berselindung, dan bukan salah kita jika cinta hadir didalam hidup kita walau macamana speednya..pelahan kah atau macam disembar kilat hahaha. Cinta adalah milik tuhan yang maha kuasa. Cinta adalah satu anugerah pemberian tuhan yang sungguh nikmat kepada hamba hambanya. Cuma manusialah yang selalu menyesatkan pemberian tuhan yang satu ini. sesat cinta?...hehehe. Cuma manusia yang berakal dapat membezakan cinta. Cinta plastik, cinta kaca...aduh berkecailah jika terhempas. Cinta monyet, cinta yang cuma sementara...yang hanya ingin melihat yang indah indah belaka dipandangan mata. Jika sudah kelihatan kudisnya..........terkuburlah cinta semacam mendapat penyakit berjangkit. Cinta kepada ilahi dan cinta yang berlandaskan iman adalah cinta hakiki. Soalnya, dimanakah bisa mendapat cinta yang hakik??. Inilah cinta berlandaskan iman serta penuh kasih sayang, cinta yang benar benar memerlukan penghayatan dan pengorbanan. Tiada apa yang diinginkan, tiada apa yang dijanjikan, melainkan ketenangan dan kesejahteraan jiwa nurani. Bukan saja cantik dan indah dipandangan mata, malahan terasa sejuk dan damai dihati. Cinta inilah yang membakar semangat untuk sebuah kehidupan yang lebih bererti. Bukan cinta yang penuh keasyikan dan khayalan semata mata seperti cintanya cindarella atau snow white yang pada hujung ceritanya happy ending kerana bertemu putera idaman. Selepas itu tamatlah cerita....sekian wassalam. Apa cerita selepas itu tidaklah diketahui dan diikuti lagi. Tiada siapa yang tahu apakah bahagianya hingga kehujung nyawa?. Cinta yang membuak buak, sehari tidak jumpa bagaikan setahun. Makan tak kenyang, mandi tak basah, tidur tak lena....aduhai kasihannya. Lemas dalam buaian kasih yang akhirnya terdampar dilautan.....hilang pengayuh, sampan entah kemana. Masya allah.......Ya allah, maha suci tuhan...alangkah indahnya cinta yang hakiki. Tuhanku, sekiranya hambamu ini tiada akan menemui cinta hakiki milikmu ya allah, maka palingkanlah cinta hati hambamu ini sepenuhnya hanya kepadamu. Cukuplah cinta yang hanya sekadar ucapan yang sebenarnya adalah dusta!....yang hanya indah dimata dan manis dibibir, tetapi meratah dan mengelapkan hati dan memusnahkan perasaan.

Salam aidilfitri tuk semua! mohon maaf zahir batin. Sudah siap semua persiapan??. Mami biasa biasa saja yang penting adib dan danish happy. yeah! esok hariraya. Bunga api, bunyi badil disana sini mengajutkan tapi memang memeriahkan suasana. Tadi dikulapis terasa banar syahdunya hariraya menggamit perasaan. Sibuk mami memasang cadar baru, memasang carpet baru dibilik tamu n yang siuknya maliat cucul sudah siap bepasang. Hehehe beraya tah tani taun ani sayang. Open house?....insyaallah. Baju kurung mami last last baru siap padahal simple saja maniknya. Next time, biar tia mami membuat manik sendiri eh..mami pernah sekali cuba jait manik tapi nda smart, jaraknya antara satu manik kemanik yang lain skajap satu cm skajap kan seinci hahahaha....nda orang mau mengupah menjahit manik. Asai bini baru teror membuat manik, lawa lawa lagi. Tapi katanya sangal belakang kan pasal batah duduk. Satu lagi kalau mata kabur, karang tecucuk jarum hahaha. Gerenti kadai jahit ahir tutup ni malam ani. Kadang musim hariraya ani, time makan lunch n dinner pun nda tantu, perut pun meragam sudahtah banyak minum be gas. tambah tia lagi makan biskut n kek yang memang semuanya manis manis. Ehehe...list list order kek/biskut banyak payah pulang memilih. Yang calinya ada list yang boleh tani membayar masa time bonus hahaha, tapi kasian jua tu lambat balik modelnya. Tapi biskut biskut my mum still the best!!...Mami tais liur mencari biskut tat nenas- siasia pun....yang paling mami ingaukan, adib kan exam psr lapas raya. mudahan adib pas...amin. Auw ah, taun ani first time mami beraya masa sudah kraja ofis hours. Mun dulu masa beshift, mami slalu tekana post nite (first day hariraya bagas kraja malam) palagi ngantuk lah...tapi mami masih bersyukur dengan pemberian tuhan kerana allah lah yang lebih mengetahui mana yang terbaik untuk hambanya. Sekali lagi, jangan sekali kali berputus asa dari rahmat ilahi. Eid mubarak!.....minal aidil wal faizin.

Macam siok rasanya malam ani semangat esok stat puasa. Mami sembahyang terawih bawa danish. Adib wit his dad. Mami kan sembahyang terawih di masjid katimahar tapi mami malam ani ke lambak liat persiapan puasa. Mami sampat buka cucul n spotlite dikulapis, biar cahaya terang. Dilambak, babu sibuk menyediakan makan malam before kami semua kemasjid. Wow ada umai, ada acar nyaman tah makan mami. Nah...camana mami kan lose weight ni, nini masak nyaman nyaman hehehe. Habis mamam n sembahyang maghrib, mami bersiap siap bawa bag bakul isi tikar sembahyang, kain telekong n stokin. Telekong andang mami pakai awal. Wah,..sambutan first day terawih memang lah...full parking sampai keluar jalan. Mami nda mau mau memajal jua kan paking ampir, jangan harap. I wish, setiap malam meriah macamani, kan siuk. Jangan karang sudah separuh puasa, dui kurang tia jemaah ah. palagi pada 7 malam terakhir, bukannya ingau malam lailatul Qadar tapi jadi malam lailatul kadai hahaha. Biasalah, sibuk mengusai rumah, bepikir apa patut ditambah. Kek n biskut siap kah udah, baju kurung takut nda siap manalagi kan di ubah suai. Pas tu bepikir, hariraya keberapa kan open house ani?. 2 kali ni kan open house, skali khas tuk peradian, patuan, cuzen. Skali lagi tuk frens hehehe. Kasian, dari dulu udah bisdia ani kan beraya dikulapis, bah insyaallah. Eh, kedangaran babu bangun kedapur menyediakan sahur. Apa babu masak ah?. Cerita pasal sungkai lagi. Dulu membali penyungkaian di gerai gerai ramadhan. Masani restoran sudah berakal, masing masing belumba lumba offer sungkai buffet murah, ada yang $6 per head, ada yang $5 per head. Kanak kanak murah lagi daripada atu. Hai, alamat bersih nda berasap dapur ni...Kadang boring jua makan direstoran. Ingin jua merasa masakan simple ie. lauk berabus, telor masin hehehe. K salam ramadhan tuk semua!!. Semoga kitani beroleh rahmat dan keberkatan darinya jua..Amin.

Ramadhan bulan kerinduan. Sudah lama mami tunggu kan bertarawih malam berkumpul makan sama sama masa sungkai hehehe teringat mami zaman kanak kanak dulu, nini bangunkan subuh tuk makan sahur tapi mata mami masih mengantuk jadi sambung lagi tidur dimeja makan padahal makanan sudah tersedia dapan mata. Siang berlapar menyesal nda makan sahur tapi ditahankan jua malu sendiri punya pasal. Time kan sungkai atu yang siuk sibuk minta balikan makanan tais liur kan makan itu ini semua kan mau. Nya orang iatah liur puasa tu. masa sungkai banar banar makan sudah atu 'kebungkayangan' nah kan sembahyang maghrib pun barat baratan palagi sembahyang terawih. Habis nunggu bis nini sama bis babu terawih, kami ramai ramai bekumpul tuk betedarus. Kedangaran mulah nini melagau mami adiberadi mengarahkan suruh sediakan alquran dan riyal (alas quran). Bah urak tikar betadarus tah kitani,.....Yati! zam! na! ada udah bis kajah linah mu bis ka bini, ka dk raimah, dk ramnah tu?.. sibuk tah nini tu sambil menyediakan makanan minuman tuk bis kami yang kan betadarus ani. Koktel, cincau, cindul, air puspa menjadi satu kemestian mesti ada hehehe. Time makan bah sibuk tah kami tu adi beradi n sepupu sepupu 'gaplah' baibun nda jauh kadang becakal jua hehehe. Mulah nini, i really rally miss u.......'alfatihah' tuk niniku tercinta. Sebak rasa hati mami sayu rasanya menganang mulah nini. sermangatnya kuat, ketabahannya yang sekarang diwarisi oleh babu- seorang ibu dan nenek yang cukup tabah. I really admire them, mami belum tantu macamatu. Malam malam sebelum tidur mesti kami ramai ramai main bunga api. Dulu bunga api mami cap kucing bali arah siung, cina yang menjual kerumah rumah dikampung air pakai perahu merah hehehe. Bila hujan, mesti ia betapuk dibawah rumah kami belindung menunggu habis hujan. Ntah dimana kah siung masani, mungkin sudah tedapat kadai runcit kali. Atutah, alangkah indahnya zaman kanak kanak mami. Kalau boleh mami ulangi semula dan akan lebih berhati hati bila menginjak dewasa,......tapi semuanya ketentuan ilahi. Sudahlah duhai hati. Bebalik kepada bulan kerinduan," eh mami!,..mami!,...nda nampak anak bulan katanya dalam tv".....sibuk adib sama danish membaritau mami hehehe. Perangai mami dari dulu sampai sekarang, bila kedatangan bulan puasa mesti pasang angan angan mesti kurus kan sikit badan kan belawa nanti pakai baju kurung baru. Barutah mami sibuk mencari cream lotion mami yang betimbun bebali nda jua makai. Hehe kan beusai belawa sapu bio-oil ketangan kekaki atleast lambut jua tangan nda kasar besalam. Barutah mami sibuk kan menyambung makan vitamin c n other supplement. Eh masih ada ubat mami ginkgo biloba capsule...lah baik jua balum expired jan, 2011..bah talan sebiji sehari. Eh knapa tah mami nda rajin lagi makan ubat ani?. Dulu setiap kali habis mens, mesti mami tutuk indung kunyit ambil airnya n dicampur diminum dengan air suam. Ajaran petua mulah nini, katanya untuk wujud kan kembali kekuatan badan. Banyak lagi petua kesihatan tubuh badan yang diajarkan mulah nini sebab atu mulah nini dulu cakah, rajin hehe. Dulu sikit2 gatal badan allergic punya pasal pun mengadu arah nini. Sibuk tah nini mengeluarkan arang, sabut piasau, kulit bawang merah yang sudah kering.....bah yati, betangas bekamban tah diberanda tutup lampung...hehe.Tapi banar, dengan kuasa tuhan jua sekajap ilang tia gatal gatal dibadan ah hehe. Now harapkan ubat dari hospital saja palagi mudah bagi mami untuk mendapatkannya...tau apply saja kekulit before sleep. Tapi kesan nya sekajap saja n sure ada side effectnya...nda dapat mengalahkan petua perubatan orang dulu dulu. wallahuaklam...

kedatangan musibah, dukacita dan seumpamanya bukan bererti detik kehancuran dan kedaifan. As we know we learn from mistakes. Dari sana kitani mengetahui tahap kebijaksanaan dan kedaifan diri sendiri. Tanpanya kitani nda kan mengenali erti kehidupan yang sebenarnya. Jadi bersabarlah dan berserahlah pada tuhan. Paling penting, berbaik sangkalah kepada tuhan kerana allah sajalah yang mengetahui segala galanya. Allah tidak akan membebankan sesuatu kepada manusia melainkan sesuai dengan kamampuannya. Pahit hendak ditelan, namun berbanggalah kitani adalah salah seorang pilihannya, kuatkan hati kembalikan semangat kehidupan yang sudah musnah. Disamping itu jangan putus putus berdoa dan berusaha. "janganlah berputus asa dari rahmat allah". Maybe there is something good reason behind it, who knows??. Ingatlah, jika tuhan segera memakbulkan doa hambanya bererti tuhan amat menyayangi kitani. Jika tuhan melambat lambatkan doa hambanya bererti tuhan menguji kitani. Jika doa belum dimakbulkan tuhan bukan bererti tuhan tidak mengasihi kitani, tetapi tuhan 'merancang sesuatu' untuk kitani. Doa adalah senjata bagi orang mukmin. Langit tidak selalunya cerah. Jangan berhenti, teruskanlah berjalan dilandasan yang betul. Insyaallah, kehidupan akan lebih bermakna selepas ini....amin.

Adib jalan sama dady, danish ikut nganah imah liat kedai kasut baru buka d madang complex. Owner is sis ngangah elminya, dina. Bannernya sudah ada tapi opening by next week. Anyway congrats to her. Eeeh siuk jua buka bisnes hehe. Mami minat n udah lama kan tedapat kadai, tapi kadai apa ah??,..restoran, cafe, kadai jahit, dobi, car wash hehehe. Today mami semangat baca buku buku motivasi esp yg bersangkutan dengan bisnes (buat duit). Salah satu buku yang mami tepakai 'Buat duit dengan rumah' by shamsuddin abdul kadir, penulis buku best-seller 'kaya dengan rumah'. actually mami pinjam from my bro, zul. Its how to buy house n sell to someone. But in my case, mami plan kan buat rumah banglo damit siring rumah mami dikulapis dapat jua tuk disewakan one day. Boleh pulang tambah rumah dibawah n sewakan tapi its not good for privacy n for long term. Waah..business minded jua mami ani ah. Insyaalah,....Umur bersara ditambah ke umur 60 tahun. syukur alhamdulillah..by that time adib n danish sudah keraja. Mami selalu terpikir apa duit udah pencen ah?..melangui kasau. Kan bisnes makanan, im not so good in cooking, kan menjahit nda pandai lagipun masa atu memang mata udah semakin kabur, karang singan memasukkan banang dalam lubang jarum tecucuk tangan sendiri...adui!! hehehe. Ntah lah, yang pastinya rezeki tuhan yang membari.

Hehehe sibuk banar orang mengunjar mask nyanya lakas abis, market tinggi. Mami belurih mask price nda sampai $20 for 1 box 50 pcs. rupanya dikadai naik harga. Talk about mask, macam macam nama n bentuknya. N95 macam nama mobile nokia tah pulang haha, pas tu mask nano. Yang mami tau baju slim saja namanya nano. So nano means barang yang diperbuat menggunakan nano technology. Ada warna putih, biru, hijau, orange. Ahhh, mask dari kain beludu yang dapat disasah balik balik pun bejual, lagi lawa tarang tarang warnanya dark blue, dark green, maroon, brown. baiktah pakai ikut warna baju. So dijemputan, jangan lupa pakai mask as part of our accessories. Yang calinya, ada yang pakai mask tebalik, yang putih pulang diluar. ada mask tangah tangahnya ada filter nampak lagi munjung mulut. For nurses, no choice mesti pakai N95. For patients pakai surgical mask, atupun yang having cough n cold saja. We at RIPAS pun nda dapat sukahati kan mengorder labih, they will ask you tu. Ni lagi cali, my fren just now call me, she's a teacher n she told me now trend sudah di skulah ada yang pakai mask kain beludu atu, sudah pun colourful dibaginya manik manik lagi for attraction hahaha, nak.. nak... nda lagi cigu kamu tecakap, speechless udah maliat ulah kamu tapi membari gali hati jua hahaha...bah habis swine flu karang tutup tia kadai mask, kadai apalagi buka??.