S.L.I.D.E.S.H.O.W

LoVe is sWeeT

SeTeLaH KePaHiTaN PaSTi AkaN aDa KeMaNiSaN

mY GueStBooK

Anak bujang mami~

Si Manja mami..

My Favourite Songs

Gurindam Jiwa...

Adorable...

Beauty TiPs

Aduh, matapun masih mengantuk. Manainda pukul 4.30 pagi sudah bangun, wawa kena standby n Adib pun ikut bebaris (1st time). Adib masih mengantuk, masih belum puas tidur pasal semalam tolak dari kulapis ke lambak akhir malam. Tepaksa jua tidur dilambak, takut akhir bangun. Kalau dikulapis, jam lagi lalu dijerudong..belum lagi highway. Habis bebaju, keluar stat engine kreta...hari masih gelap, tepaksa beranikan diri. Jam sudah 5.30 pagi, mula mula antar adib ke PGGMB secondary school naik bas kan menuju ke bandar. Lapas atu begagas lagi kan ke RIPAS, takut ketinggalan ambulan/van kan betolak pukul 6 pagi. Sampai mabohai, wah...banyaknya kreta/bas bas sudah besusun disana sini. Sampai di RIPAS Hospital, begagas lagi kan paking kreta hmm....baik jua masih ada transport, pikir tah ketinggalan tapi ada jua yang sudah lapas. Mula mula masuk di Emergency Unit didepan Paramedics, cari kan register nama dulu dinotice board to sign. Barang barang emergency temasuk emergency trolley, ubat ubatan, stretches, blankets, basins, towels sudah awal jalan bersama sama dengan Incharge barang kelengkapan. Makanan n minuman pun sudah ada. Hehe biasalah nasi berlauk ayam masak kurma kah tau kari kah tu usulnya n sayur. Pagi pagi cemani, dikem tah lagi nda wawa beliur kan makan tapi ada jua kawan kawan yang bawa kan tapau saja. Baik jua ada sandwich telor, atu tah yang wawa makan. Lagipun sudah kenyang, awal awal lagi babu masak mee dilambak, hmm nyaman tapi nda dapat banyak jua karang tekajut parut kan membuat proses penghadaman hehehe. Yang penting wawa minum 100 plus untuk restore energy dalam tubuh n kan tuk mencergaskan badan. First, check meja Dr sudah ready form triage, BP set, thermometer, stethoscope sudah ada dapan mata Dr. Cek box ubat ada panadol tablet, zantac, bascopan, gaviscon tuk yang sakit parut...maklum kanak kanak skulah ani kasian awal awal udah betolak dari rumah n begagas kesekolah takut nanti ketinggalan bas. Jadinya, terlupa tah kan mengisi parut sedangkan breakfast is very very important than lunch. Nah kan....ayung tia paning tia apa. Thanks god, baik jua pagi ani mendung n hujan renyai renyai, ganya nda berangin iatah bepaluh jua badan. Wawa dalam kem saja sambil menunggu cerita cerita sama gang yang lama dah nda jumpa. Kadang ingin jua rasa hati kan maliat perbarisan terutama kan maliat anak mami, adib ani barukan pernah bebaris. Bangga jua maliat anak kesayangan mami ani menyertai perbarisan, ingau jua hati mami takut adib ngalih n paning. Pertengahan acara stat tia ada yang tumbang n kena bawa ke kem pakai stretches. Masing masing tah dengan peranannya, ada yang isi borang triage, cek panas, cek tekanan darah, pulse, cek glukos dalam darah. Baik jua nda ada yang sampai cucuk jarum masuk ubat meaning nda yang teruk. Yang penting pernafasan cukup, jadi tepaksa buka tudung at least longgarkan sikit tudung kalau malu kan membuka. Lepas atu dibagitah secawan air yang sudahpun dicampur ORS salt. Gali jua hati maliat dangan prepare every sachet ORS masuk dalam setiap botol damit mineral water. Gunanya macam 100 plus jua tapi ani nda be gas...umph bagus pulang tu ah. Sandwich diunjuk bagi yang masih mampu makan pasal ada jua yang mutah nda tolerate pasal parut diorang andang kosong. Iatah karang mengajut parut kosong kan tarus di asak asak dengan makanan. Mostly students lah yang complain macamatu, kasian cigu cigu bisdia tepaksa menunggu sampai anak murid masing masing sudah ok. Ada jua orang dewasa yang paning, tapi kebanyakan mau kan duduk berehat saja, mungkin malu kan melimpang. Ada jua yang complain paning pasal baru tau ia pregnant, jadi katanya tepaksa jua diteruskan perbarisan tapi last last paning jua. Atutah macam macam kan diliat gelagat sorang sorang, tapi cukup nampak bersemangat tuk maraikan hari kecintaan pada negara ani. Next 27hb Feb ani hari maulud nabi (Hari Kecintaan pada Rasul), wawa pun kana standby jua. Nda apa selagi diri masih kuat, masih diperlukan...alhamdulillah disinilah kitani berkhidmat. Kerana dibumi ani tempat kelahiran, disini jua dimana anak-anakku dan keluargaku tercinta diami. Kasih pada anak-anak bangsa dan Sayang pada semuanya!....

0 Responses to "Salam DiHari Kebangsaan..."

Post a Comment