S.L.I.D.E.S.H.O.W

LoVe is sWeeT

SeTeLaH KePaHiTaN PaSTi AkaN aDa KeMaNiSaN

mY GueStBooK

Anak bujang mami~

Si Manja mami..

My Favourite Songs

Gurindam Jiwa...

Adorable...

Beauty TiPs

7:16:00 PM

Alhamdulillah, by second day of hariraya hampir semua udah sanak saudara yang terdekat didatangi. Tinggal lagi kan dilanggar rumah cuzen cuzen yang berumah sendiri...insyaallah esok lagi menyambung. Mudahan kitani dipanjangkan umur sehat tubuh badan, bejumpa tah kitani. Syawal ani tah peluang paling tepat kitani berkunjung kunjungan, merapatkan tali silaturrahim yang lama terputus dek kesibukan duniawi. kadang kadang tejumpa n terserempak saja dijalan, senyum dan angkat tangan tah saja. Kadang jumpa dikadai, macam hari atu garam banar hati mami eeeee! siapakan ni himpit himpit hampir jua siring mami. Marung mami tapi sekali toleh rupanya hj airol anak tangah. Eeehh kau ani lai, sikit lagi kayati kan marah....hehehe udah atu sama sama tah ketawa, bah kirim salam tangah ah..Kata orang mami ani selalu mukanya serius sampai nda nampak saudara atau kawan ada disubalah mami hehehe, auw banar eh brunei ani damit kehulu kehilir pun kejumpahan jua dangan. Sudah bekumpul musim raya ani palagi bah 'gaplah' tah tu, cerita itu cerita ini..cerita hot hot pun ada. But i really respect all my family- they are very sporting walaupun tau situasi mami pada masa ani. Mami pun think positively saja.....its life!. Tekajut mami maliat anak cuzen cuzen mami yang sudah basar basar, sudah jadi anak dara, sudah jadi anak bujang rupanya sialai sialai ku ani eh.....tinggi tinggi tagap badan bisdia. kadang adib betanya, "mami, knapa cuzen mami atu anaknya sudah basar basar kan, padahal umur mamanya sama macam mami?"....kata mami pasal cuzen mami atu ada yang kawin awal iatah anak pun bemudaan tia. Aahhh....nya adib. Open house sana sini, pikir saja nda lagi tampat kan menaruh....mana nda parut udah panuh. Ah pas tu datang tia gastric, eeh macam nda paham paham parut ani eh. Baik jua nini bini membawa minyak kapak. Atupun barat baratan mami kan memakai......hehehe takut keciuman baunya maklum tah hariraya kan...masa besalaman style masani lagi cium pipi kiri, cium pipi kanan hahahaha. Apa calinya nah hariraya taun ani??......ada kek namanya kek H1N1 hahahaha.....baik jangan dimakan, karang dapat H1N1 positive....tepaksa kana quarantine hehehe hariraya jua lagi ni. Tapi mun ada kek tau biskut yang namanya kek Tamiflu, baik tah dimakan tu ok jua jadi ubat penawar H1n1 atu hahahaha macam macam saja. Anyway, semoga ikatan persaudaran dan tali persahabatan kitani akan berkekalan dan jumpa lagi ditahun hadapan.......amin!!.....Salam kasihsayang.....

0 Responses to "2nd day hariraya..."

Post a Comment